作為香港打工仔，好多時打一份工都只係夠養自己，總係想增加額外收入，儲多啲錢追求理想生活。近年香港Freelance工作／Slashie斜槓族已非常普遍，一份好嘅Freelance工作，可幫你賺取「第二收入」，不需再依賴工作薪金作為單一收入來源，建立多元收入渠道，賺取多勞多得的主動收入！同時自由工作者可以選擇兼職做Freelance工作搵外快，或者「全職Freelance」在家工作，自行分配時間，更容易達致Work Life Balance。你都想擺脫「返工等放工，放工就搵工」嘅循環？Toby 就列舉2023年香港10大熱門 Freelance 工作嘅行情同優缺點，唔知你又啱做幾邊份？
【搵Freelance必讀】2023香港10大Freelance工作
更新於2023年08月09日
【搵Freelance必讀】2023香港10大Freelance工作
Freelance 導師：補習、興趣班
1）私人補習 - 網上教外語
而家好多人會喺網上嘅語言學校登記做私人補習老師，然後用Zoom/Skype一類嘅溝通軟件網上教學，時間夠彈性。比較有市場嘅外語課程有英文班、韓文班、日文班、普通話課程、西班牙文班等。教授外語嘅薪金因經驗而定，一對一教學一般收費每小時約HKD$100-$300不等，一星期上2-3堂，每月可額外賺取為數不少的補習收入。雖然一般補習平台或語言學校都會向Freelance老師收取介紹費用，但如果同家長及學生關係Keep得好，不失為長遠嘅Freelance工作收入來源。
2）Freelance樂器導師
苦練樂器多年，教授樂器係唔少人做Freelance會接嘅工作。樂器導師每小時收入至少HKD$100起，收入視乎學生級別而定。以鋼琴課程為例，學習8級鋼琴嘅學費每小時可達HKD$500。在琴行掛單一般是「五五分帳」，鋼琴導師被拆走50%學費，而Freelance教琴自己搵學生，同學生建立良好關係同口碑，就可以自立門戶。除咗可以喺工餘時間賺額外收入，自由工作仲唔使同公司拆帳。香港比較熱門的音樂及樂器課程仲有：唱歌班、樂理班、結他班等。
freelance教樂器自己搵學生，同學生建立良好關係同口碑，就可以自立門戶。
3）私人健身教練
香港人愈嚟愈注重健康，了解到運動嘅重要性。根據Toby 平台數據，健身教練（即Personal Trainer，簡稱PT）是過去2年熱門服務之一，時薪介乎HKD$500–$1000，視乎教Gym經驗。私人健身教練同健身中心駐場教練唔同，教堂時間較有彈性，亦可選擇到客人會所／健身中心提供服務。一般工作內容包括為客人制定增肌減脂計劃、指導健身訓練、建議飲食餐單、提升運動表現等。
Freelance 文字工作：copywriter、翻譯
4）資料輸入
呢類工作通常就係睇住文件或透過聆聽，輸入資料到電腦，如果你自問打字夠快又夠準，Freelance資料輸入就啱你喇。你可以選擇返Office輸入嘅類型，一般時薪約HKD$60–$80；而如果你想時間更彈性，對自己打字能力又有信心，咁不如接一啲按件收費、在家工作嘅打字Freelance，例如係打字幕或逐字稿，輸入一段1小時影片嘅字幕，可以收取$1,000以上（當然你要識得用相關軟件啦），而1小時錄音嘅逐字稿，亦可收取HKD$500以上。
5）翻譯
翻譯工作係最常見嘅在家兼職之一，最常見嘅一般中英文互譯，好多香港人都可以應付得到。英文翻譯（英譯中）嘅費用一般較平，以來稿計每字約HKD$0.5–$1，而中文翻譯（中譯英）參考價錢就係每字HKD$0.8–$1.5，如果係某啲專業範疇例如法律、學術，收費就可以更貴。
6）寫稿
文字唔值錢？而家喺網絡世界，好多網站需要不斷有新嘅內容，以提高網站能見度，反而造就好多內容寫作嘅Freelance。呢類Freelance Content Writer / Copywriter 收費通常都係按每篇字數計算，收費大約係每字HKD$0.3–$1。當然，如果你係KOL或真正名家，寫稿都可以有不錯的收入，例如某啲專欄作家，收費約每字$10以上。如果你文筆有咁上下，做寫手係唔錯嘅Freelance工作。
Freelance 創作及設計：Graphic Design、攝影師
7）攝影師（攝影、影片製作）
攝影師又係另一熱門Freelance工作，因為呢個行業已經算係Freelance性質主導！無論係婚禮攝影、活動攝影定係家庭攝影等都有龐大嘅需求，有好多潛在客源。只要有攝影技術和做好份Portfolio，即使未畢業嘅學生都可以接到大量工作，同時攝影師行業都仍然缺人，可以搵到不少客。
攝影師收入視乎攝影服務，價錢亦會因攝影師的資歷、經驗、器材等而有所調整，收費差距的幅度較大。一般Freelance攝影師收費形式有兩種：1）按小時收費；2）按項目收費。當中最常見的是按小時計，而商品攝影則按項目計，如每張相片$200 - $1,000。影片製作剪接一條片長1、2分鐘左右的影片，價錢約HKD$1,000–$2,000，如果是全套拍攝製作，價錢則可以過萬。
8）平面設計
Designer行業，特別是平面設計，巿面上已有大量Freelance招聘。很多香港Designer日頭做全職平面設計師，夜晚及假日做Freelance Designer賺外快。平面設計師入行收入差距幅度較大，平面設計酬勞算係比較「海鮮價」。
如按服務件數收費，就按照服務嘅內容界定收費，例如名片設計價錢介乎HKD$800-$2000、網頁設計價錢介乎HKD$5000-$10000（每頁HKD$800-$2800）、Logo及商標設計價錢介乎HKD$250-$2000。
如果工作較難拆件計，大家可以自己預計完稿所需時間，以作開價，例如每小時HKD$300，預計要做3小時，就開價HKD$900。而容易量化嘅工作如排版工作，可以收取每頁HKD$120以上。
Freelance商業人員：會計、審計
9）會計
考咗會計牌未必一定要入會計師樓！做Freelance 會計師、獨立會計師一樣可以賺取理想收入。Toby 平台上每日都有大量審計、核數、會計、公司報稅等嘅服務請求，做住Freelance會計先絕對可以幫自己儲客、儲人脈、儲經驗，對第時創業有一定幫助！
10）推銷員
只要有推廣活動，就會需要Promoter（推銷員）。而Promoter嘅薪金一般不會太低，由時薪HKD$50-$100都有，取決於各公司慣例、活動性質、規模等，例如於會展舉辦嘅展覽，一般時薪為HKD$60，有經驗嘅Freelance Promoter時薪可達HKD$100以上。而且工作時間彈性，機會多，所以唔少Freelancer都會選擇係空餘時間應徵Promoter工作。
Freelance 平台 & Freelance App – Toby
介紹完Freelance工作，到底自由工作者想接Job有咩渠道？
Toby（HelloToby） 作為一站式網上Freelancer平台，自2016年成立至今，已有超過800種服務、80,000名嚟自各行各業嘅專家同 Freelancer自由工作者，報價次數達1,000,000次，而平台總用戶亦超過500,000人，平均每30秒就有一個新請求！
喺Toby 接單，你可以…
- 每當有新嘅服務請求（你所註冊的服務），專家可以即時喺App 接收到通知
- 你可以按照客戶所提供嘅資料選擇報價與否 ── 客揀你嘅同時，你亦可以揀客！
（*每個服務都有特別定製的問題，讓專家得到更詳細資料以便更準確報價） - 報價後可直接與客戶聯絡
- 設有自動報價功能，捕捉每一張單（適用於有大量接單需要嘅專家）
自 Toby 成立以來，除了獲得無數專家及用戶支持，亦得到了不少意見和反饋。這些寶貴的意見以及多年經驗，使我們在發展過程中能夠不斷改進，為專家提供更完善的報價接案機制，為用戶提供更方便的生活服務平台。
想成為 Toby 嘅服務專家，搵更多客戶？立即免費加入，開始你嘅 Freelance工作 ！
成功搵到 Freelance，仲有咩要準備？
雖然做 Freelance 可能比打份工搵得仲多，但係打工仔一般都有公司醫保，即使生病／遇上意外，公司醫保都可以保障手術或治療的費用。Freelancer 無呢啲福利，就要學識保障自己，買一份住院保險傍身，以防一病無晒所有積蓄！
